KnitWarm 口罩 - 打造有溫度嘅人性化品牌 @ dip facebook

【#ProductDesign Entrepreneurship 101】

當你唔再專注喺「推銷」，反而更著重喺品牌嘅「內容」時，唔單止可重新建立同維持既有消費者嘅關係，同時亦默默向未來嘅目標消費者招手，而 KnitWarm 就係成功運用內容營銷以推廣產品及鞏固品牌形象嘅例子。

KnitWarm 喺疫情爆發初期着手喺現有嘅織暖口罩嘅基礎上改良，研發出銀離子抗菌可重用口罩，為咗改善用家帶即棄口罩時產生嘅面部敏感問題，更貼心加入膠原蛋白嘅環保纖維，抗菌之餘亦起親膚、貼面舒適作用。

而喺外形設計方面，KnitWarm 表示「港人戴口罩已經超過半年，希望我們設計嘅口罩可以為沉悶嘅生活加點色彩。」而推出客製化服務，顧客可以訂製撞色款以及施華洛世奇水晶做裝飾的十二星座款，從企業嘅角度於這個困難時期為港人注入正能量。

近年疫情反覆，消費模式漸趨線上化，對於中小企業來說，制定有效嘅內容營銷 (Content Marketing) —— 指「專為潛在客戶創造有趣及與品牌相關度高嘅內容，建立品牌同顧客之間嘅連繫，同時提升品牌信任度，令潛在客戶轉化為顧客甚至成為品牌擁護者」。企業如果想係重整品牌行銷，可留意以下要點:

1. 透過網絡聯繫客戶：當觀眾喺社交媒體上「分享」行銷內容，既可吸引潛在客戶，亦為品牌提升曝光率

2. 界定適合嘅客群及社交平台：根據目標受眾嘅年齡、地區、生活圈子等資料以評估佢哋最活躍嘅社交平台，然後再提供相應嘅行銷內容，有助取得更大嘅宣傳效果

3. 提供產品真實資訊：可利用講故事或人性化嘅傳銷方式將品牌同消費者連結起來，配合用家見證，能較易產生共鳴

4. 定期發佈內容：除咗訂立核心嘅營銷內容，亦要恆常喺社交平台進行內容更新，令受眾願意花時間停留以了解產品嘅特性，因持續性行銷有助提高消費者對品牌嘅信任度及建立品牌嘅形象

5. 數據分析：可參考實質內容營銷嘅數據，如接觸人數、受眾群體、觀看時間、Like 或Share數量等，分析營銷嘅成效，若未能達到目的，可彈性調整內容喺香港創業難免會面對激烈嘅競爭，但其實只要好好運用以上要點來作品牌行銷，就算係起步不久嘅嘅中小企業也可以喺市場中脫穎而出

Reference: https://contentmarketinginstitute.com/what-is-content-marketing/